پنجاب بھر میں بارشیں کب سے شروع ہوں گی، پی ڈی ایم اے نے تاریخ بتا دی

پروونشل ڈیزاسٹر مینجمنٹ اتھارٹی (پی ڈی ایم اے) نے پنجاب کے مختلف علاقوں میں بارش کا امکان ظاہر کردیا۔

ترجمان پی ڈی ایم اے نے بارشوں کے حوالے سے بتایا ہے کہ 28 جنوری تک پنجاب کے مختلف شہروں میں بارش کا امکان ہے۔

پی ڈی ایم اے کے مطابق ڈی جی خان، بہاولپور، ملتان، راولپنڈی اور گوجرانوالا کے بیشتر علاقوں میں بارش ہو گی۔

ترجمان پی ڈی ایم اے کے مطابق پنجاب کے میدانی علاقے جنوری کے آخری ہفتے بھی دھند کی لپیٹ میں رہیں گے۔

اس کے علاوہ مری اور گردونواح میں بھی بارش اور برف باری متوقع ہے۔

ترجمان نے بتایا کہ مری میں سیاحوں کی سہولیات کیلئے 13 فسیلیٹیشن سنٹرز قائم کیے گئے ہیں۔

ترجمان کا کہنا ہے کہ خشک سردی سے مختلف بیماریوں کا پھیلاؤ تیز ہو رہا ہے، بارشوں کا سلسلہ وبائی امراض میں کمی کا باعث ہو گا۔